Прямая речь

дурхlнала нешла мезличи диги адикьни;

лукlни ва дучlни гьаладяхl ардукни;

дурхlни пикрибикlахъес бурсибарни;

гьаларти четвертуназиб белчlунси материал гьанбикахъни, ил имцlабикlахъни ва дебабиахъни; гъай гьаладяхl ардукни.
Чебаъла ваяхl:

нешла мезличила делкlунти плакатуни, журнал «Лачин», карточкаби.

1. 
   Дурхlни дарсличи хlядурбарни.
   

2. 
   Бекlлибиубси бутlа.
   

Салам хlушаб дакlибтас.

Иш нушала дарсличи.

Гъурра халаси салам.

Хlушаб бишlати дурхlнас.
Ишбархlила дарсличиб кьасбирехlе нушани, гьаннала уб касибси лебил пагь чебаахъес.

3. 
   Сен нушаб хlяжатдил ишди нушала мез буру Хlяжиев Мурадли:
   

Вегlла мез мучлахlедирни,

Гlягlнеагар мерличибра

Урус мезли гъайбикlни.

Чус саби дургlа били,

Нешла мезли гъайбикlни

Цlахдешлизиб лугlули.

Школали бархьбикьули,

Бара-бара биалра

Нешла мез далахъули.

Сецад барсдеш бисара,

Нешла мез хlедалути

Сецад бахъбаэсара?

4. 
   Учитель: Дурхlни, гьанбиркахъехlе, селичила гъайдикlули калунрал ардякьунти дурсрачир.
   

-Дурхlни, гьанбикахъая, сегъунти бутlни кадурхара девлизи?

(ахир, хlячи, приставка, суффикс)

(хlячи, приставка ва суффикс кадурхар девла аслулизи).

-декlардарая предложениебазир ца мягlна иргъахъути дугьби даргая:

Ил галгали ишдус дахъал цlедеш гиб.

Ну галгаличи ацlира ва цlедеш далцlунра.

Гебшни галгала кlари пяхlдиуб.

(галга, галгали, галгаличи, галгала)

-Илди дугьбазир аслу ва ахир чедаахъая.

-Девла гlелабси барсбикlуси бутlалис ахир бикlар.

Ахир убасибхlели илис гьалаб кавлуси бутlалис аслу

бикlар.

Кlиибил слайд.

Ишди гlергъити дугьбазир суффиксуни даргая.

Гъалмагъдеш, гlяхlдеш, цlакьси, шаласи, анхъчи, гlяшси, армикьяна, дукикьяна.
Суффикс аслула бутlа саби.

Ил башар хlячилис гlергъи ва девлис сагаси мягlна бедлуга яра илала сагаси форма биру.

Ишди гlергъити дугьбазир приставкаби декlардарая:

-Дурхlни, гьанбикахъая гьари, сегъунти гъайла бутlни делчlунра нушани.

(существительное, прилагательное ва глагол).

-Се саби существительное?

-Се саби прилагательное?

-Се саби глагол?

сущ. сущ. прил. сущ. гл.

Иргъахъуси мягlна хlясибли предложениеби чумал журала дирар.

Хабарла, суалла, амрула ва дигнила.

-Дарган мезлизир чум бекl член лера?

(хlябал: подлежащее, сказуемое, объект)

-Чум кlиибил даражала член лера?

(дополнение, обстоятельство (аги-кьяйда), определение).
Авъибил слайд.

Творческий хlянчи.

Кlунтlрала мерличи дев имцlабирули, текст чеббелкlеная.

1. 
   ….. далайрикlули сари.
   
2. 
   ….. дурсри хlядурдариб.
   
3. 
   Учительли наб дневниклизи шула…..
   
4. 
   Нешли уришлис тап…..
   
5. 
   Нуни рузис …..пешкешбирис.
   
6. 
   Нушала гьаргала бурханиб чатlнани …..бариб.
   

(предложениебазир декlардарес подлежащее, сказуемое, объект)

-Ишбархlила дарсла тема саби «Гьарси гъай»

1. 
   Нешли набзи ишгъуна бурала буриб: «Дудешли кьяш кацlибихlи, уршили бекl кабирхьу».
   
2. 
   Нешли набзи, дудешли кьяш кацlибихlи, уршили бекl кабихьес хъарси саби или чуйнара-сера бурибсири.
   

-Чили-биалра бурибси пикри гьанбушес, тикрарбарес хlяжатбиркули бирар. Гъарацlхlебарили ил пикри бурес вирар кlел тяхlярли:

а) урхlла гъайлизиб сегъуналра барсдеш ахlекlахъубли;

б) урхlла пикрила мягlна барсхlебиахъубли чердурили.

Цугдурцехlе, масала, ишди предложениеби (шуибил слайдлизирти):

Цаибил предложениелизир нешли дурибти гъай чузиб сегъуналра барсдеш ахlекlахъубли гили сари.

Кlиибил предложениелизиб биалли нешли дурибти гъайлизиб барсдеш леб, аммаки мягlна тяп цаибил предложениелизибгъуна кали саби.

Чузиб селра барсхlебарили, дархьли дурибти чила-биалра гъайлис гьарси гъай или бикlар.

Гьарси гъайличилси предложение кlел бутlализибад цахlнабиркур:

урхlла гъайлизибад ва гьарси гъайлизибад.

Илди бутlни сари-ургар союз агарли, интонацияличил ва мягlнализир дархдалсан.
Урегъибил слайд.

Гьарси гъайличилси предложениела схема.

1. 
   Илхlели нешли иб: «Къалабати шин урхьнази кадиути ахlен.»
   

2. 
   Неш набзи гьаман махрикlар: «Вари халатала хlурмат бирен».
   

(урхlла гъайлис гlергъи гьарси гъай имцlабирули

предложениеби тамандарая).
7. Гьанна, дурхlни, ахтардибирехlе сен-сен далулрая хlушани дарган мез.

1. 
   Мазала дирар се? (бала)
   
2. 
   Галгубар бирар се? (вацlа)
   
3. 
   Галгаличиб гlяшси бирар се? (кьада)
   
4. 
   Хъяб хьанцlа бирар (лагьа)
   
5. 
   Тахличив вирар чи? (пача)
   
6. 
   Хlеб хили башар… (чатlа)
   
7. 
   Цугбикибсилис луга… (салам)
   
8. 
   Бугаси бирар… (дис)
   
9. 
   Маза белгьалли бирар… (диъ)
   

1. 
   Белчlудилис сабур гlягlниси саби (умному человеку нужно терпение)
   
2. 
   Дахъая делчlунсини-дахъал дала (кто много читает - тот много знает)
   
3. 
   Имцlа-имцlали учlен, кам-камли гъайикlен.
   
4. 
   Учlес мурталра кьанни хlебирар.
   

Дудеш мурталра викlар:«Дахъал делчlунсини-дахъал дала.»

Авторла гъай чиди сари?

Нешлизирад дакlибти,

Сири гардбирухlели,

Гlяшриубли дурибти.

Хала бегlта датурти.

Мулк сари илди хlушаб,

Маслис-кьадин калунти.

Халал гьуни ахъибти,

Хъям-кьацlли, къарциндешли

Керасес хlедиубти.

Нешла мезла дугьбала

Гьалаб икрамбирулра,

Илди дила адабла

Хазнаван халдирулра.
Чузир лерни багьандан-

Неш, узи, рузи, Ватlан…

Жан дедесра хlядурти

Нуша сари багьандан.

Закир уръиван дирар:

Пикрумала бархибдеш

Шалабирули дирар.

Мардеш, гьалмагъдеш, дигай…

Сари сархес цlакьани.

Мяштlхlедируси инсай.

Далайван жагадилзан,

Гъяхlбаркьличи жидикlес

Кадизуртиван дилзан.

Бургьаб нарт ва гlянтlикlа.

Дарган дугьбала далай

Гьари, уртахъ, битlакlа.