Рабочая программа по родному языку 3 класс

«Рассмотрено» Руководитель МО учителей начальных классов __________Ябузарова З.Я.. Протокол от«____» ________2014 г. № _____

«Согласовано» Заместитель директора по УВР начальных классов ______Юсупова М.А. «____»________2014 г.

«Утверждаю» Директор МКОУ «Дылымская гимназия им. М.Салимгереева __________ Темирбулатова З.С. Приказ от «____»__________2014 г. № _______

• 
  Пояснительная записка
  

• 
  Требования к уровню подготовки учащихся
  

• 
  Содержание учебного курса
  

• 
  Календарно – тематическое планирование
  

• 
  Перечень учебно – методического обеспечения
  

• 
  Приложение к программе
  

Жакъасеб школалда т1адаб борч кола г1ун бач1унеб г1елалъе гъваридаб ва щулияб г1елмияб лъай кьей, гьеб жидерго практикаялъулъ х1алт1изабизе ругьун гьари, дунялалдехун материалистияб бербалагьи лъугьинаби.

Гьеб масъала г1умруялде бахъинабиялъулъ к1удияббак1 ккола рахьдал мац1алъ.

Миллиял школазда рахьдал мац1 малъиялъул аслияб мурад буго бац1ц1адаб литературияб мац1алда жидерго пикру эркенго загьир гьабизе ц1алдохъаби ругьун гьари (бицунги, хъванги), мацц1 берцин гьабулеб алаталдаса пайда боси, миллияб художествияб ва г1елмияб литература ц1али ва бич1ч1и.

Байбихьул классазда рахьдал мац1 малъиялъул аслияб масъалалъун буго ц1алдохъаби бит1ун, бич1ч1ун т1ехь ц1ализе, гаргадизе ругьун гьари.

Гьелъул мурадалда г1уц1араб буго байбихьул классазе х1исаб гьабураб гьаб программаги.

Программаялде гъорлъе уна цоцазда рухьарал, амма жалго жидедаго ч1арал гьадинал бут1аби:

• 
  Хъвай-ц1али малъи, класстун къват1исеб ц1али ва калам цебет1езаби;
  
• 
  Ц11али (классалдаги класстун къват1исебги) ва калам цебет1езаби;
  
• 
  Фонетика, грамматика, бит1унхъвай ва калам цебет1езаби.
  

Гьеб масъала т1убаялъ рес кьола бицунебги ц1алулебги асаралъул аслияб маг1на босизе, рахьдал мац1алда пикру гьабизе ва г1енеккаразда бич1ч1улеб куцалда к1алъазе.

Лъималазул калам цебет1езабиялда цадахъ байбихьул классазда авар мац1 лъазабиялъ кумек гьабула гьал хадусел масъалаби т1уразе:

• 
  Рух1ияб ва эстетикияб бич1ч1и лъугьин, т1олго инсаниябгун моралияб бечелъи бот1ролъе боси, творческияб къаг1идаялъ х1алт1иялъул бажари цебет1езаби;
  
• 
  Сверухъ бугеб х1акъикъаталъул, г1адамазул жамг1ияталъул ва т1абиг1аталъул х1акъалъулъ лъималазул бугеб цо ч1ванкъот1араб бич1ч1и бечелъизаби;
  
• 
  Логикияб ва сипат-сураталъулаб пикру цебет1езаби; дарсил заман мунпаг1атго х1алт1изаби;
  
• 
  Жалго жидедаго ч1ун х1алт1иялъул къаг1идаби лъай;
  
• 
  Ц1алул дарсазде, т1ехьалде (лъаялъул иццалде) интерес бижизаби;
  

Калам. Текст. Предложение. Раг1и.

Гьаркьал ва х1арпал.

Предложение. – 11 саг1ат.

Раг1абазул дандрай. Раг1абазул дандраязда, предложениязда жанир суалазул кумекалдалъун раг1абазда гьоркьоб грамматикияб бухьен ч1езабизе ругьун гьари.

Хабарияб, суалияб, т1алабияб, ах1ул предложениялъул х1акъалъулъ баян. Маг1наялде ва абиялде балагьун, тексталда жанир гьел рат1а гьаризе лъай.

Предложениялъул бет1ерал членал: подлежащее, сказуемое ва бит1араб дополнение. Суалазул кумсекалдалъун гьел рат1а рахъизе ругьун гьари.

Предложенилъул бет1ерал гурел членазе суалал лъезе ругьун гьари(гьел членазда ц1аралги абич1ого)

Малъарал каламалъул бут1аби гъорлъе ккезарун, предложениял г1уц1изе ва, суалазул кумекалдалъун бет1ерал гурел членалги т1аде журан, гьел т1ирит1изаризе ругьун гьариялъул х1алт1аби.

Маг1на г1агарал раг1абазул, кьибилалъул ва кьибил цоял раг1абазул, ахиралъул, аслуялъул, суффиксалъул х1акъалъулъ г1аммаб баян кьей.

Раг1ул кьибилалъулъ колел гьаркьазул хиса-басиязулгун лъай-хъвай.

Каламалъул бут1аби – 2 саг1ат

Предметияб ц1аралъулгун, прилагательноялъулгун,, глаголалъулгун г1амммаб лъай- хъвай гьаби.

Предметияб ц1аралъул маг1на ва гьелъие лъолел суалал. Хасал ва г1аммал предметиял ц1арал. Предметияб ц1аралъул жинс: чиясул, ч1ужуялъул ва гьоркьохъеб.

Предметияб ц1аралъул цолъул ва г1емерлъул форма.

Предметиял ц1арал падежазде свери (ас.п., ак.п.,х.п.,кь.п.,жинда падеж)

Прилагательноялъул маг1на ва гьелъие лъолел суалал.

Жинсалде ва цолъул-г1емерлъул формаялде прилагательное хисулеб куц. Гьелъул жинсиял г1аламатал (-в,-й,-б). прилагательное предметияб ц1аргун рекъон ккей.

Рик1к1ен – 2 саг1ат

Рик1к1еналъул маг1на ва гьелъие лъолел суалал (чан? Чанабилеб? –й,-в,-л). Къадаралъул ва иргадул рик1к1енал ва гьезул бит1унхъвай.

Глаголалъул маг1на ва гьелъие лъолел суалал.

Глаголал заманабазде хиси: бач1уне, гьанже, араб, г1ахьалаб заман. Предметиял ц1аралгун рекъон ккезарун, каламалъулъ глаголал х1алт1изаризе малъи.

Словарияб х1алт1и.

Бат1и –бат1иял каламалъул бут1абазда ругел кьибил цоял раг1аби т1аса рищизе лъай. Маг1на г1агарал ялъуни цоцазе г1аксаб маг1на бугел раг1аби лъай. Жиндирго пикру загьир гьабизе данде колел раг1аби т1аса рищизе бажари.

Калам ва г1умруялда жаниб гьелъул бугеб к1вар. Ишалъулабги художествиябги калам. Ц1алараб текст бут1абазде биххизе ва гьезда ц1арал лъезе бажанни.

Муг1алимасул кумекалдалъун киназго цадахъ хабарияб тексталъул аслияб маг1на жанибе бачараб план г1уц1изе ругьун гьари. Планалда рекъон тексталъул х1асил бицине бажари.

Суалазда ялъуни ц1алдохъабаз жидецаго г1уц1араб планалда рекъон, 50-60 раг1удасан данде гьабураб изложение хъвазе лъай.

Сюжет гьеч1елги сюжеталъулалги суратаздаса харбал херхине лъай (бицунги хъванги).

Жидер расандабазул, т1абиг1аталъухъ халкквеялъул, рек1елгъеязул, экскурсиязул, гьудул –гьалмагъзабазул х1акъалъулъ къокъго бицине бажари.

Лъилниги, сундулниги х1акъалъулъ сипат-сурат гъорлъе ккезабун, ялъуни жиндирго пикру загьир гьабун, 5-6 предложениялдасан г1уц1араб сочинение хъвазе.

Жиндир ишазул х1акъалъулъ гьит1тинабго кагъат хъвазе лъай.

Каламалъул этика. Ах1и ( вач1аян гьари), барки ( хъванги абунги). Гьара-рахьи загьир гьабулел раг1аби.

Берцинго хъвай.

Берцинго хъвазе, хат1 куцазе цересел классазда щвараб бажари щула гьаби. Хъвазе зах1матал гьит1инал ва к1удиял х1арпазул ва гьезул цолъиязул мисалиял группаби:

• 
  З,к,ж,в,ч,б,у,я,к1,къ,кь,кв
  
• 
  Г,П,Т,Р,З,Е,Ю,У,Д,Ф,К,В,К1,Кь,Къ,Кв
  
• 
  Пп, Чч, Рр,Вв,Ее,Зз,Уу,Къкъ,Кькь,К1к1,Кв,ккв,Ол,ое,во,се,ква,х1у,х1о,гьа,гье,гьо,ц1,Ц1в,Х1а,Гьи,Гьо,Т1а,Ге,Бе,К1а.
  

• 
  Раг1ул бут1аби: раг1ул аслу ва ахир, раг1ул кьибил ва суффикс
  
• 
  Каламалъул бут1абазул х1акъалъулъ г1аммаб баян (предметияб ц1ар, прилагательное, рик1к1ен, глагол)
  
• 
  Предложениялъул бет1ерал членал( подлежащее, сказуемое, бит1араб дополнение) ва бет1ерал гурел членал
  

• 
  Авар мац1алъе хасиятал гьаркьал ва х1арпал: г1,гъ,гь,к1,къ,кь,лъ,т1,х1,хъ,хь,ц1,ч1, гьединго геминатал кк,к1к1,чч,ч1ч1,сс,хх,лълъ,ц1ц1,цц, ва лабиалиял гьаркьал рихьизарулел х1арпал къосинч1ого рит1ун рахъизе ва гьел гъорлъ ругел раг1аби, предложениял, гъалат1 биччач1ого, чвахун ц1ализе
  
• 
  Малъарал бит1унхъваялъул къаг1идаби ц1унун, 40-50 раг1и бугеб диктант хъвазе
  
• 
  Раг1ул фонематикияб разбор гьабизе: раг1аби слогазде риххизе, ударение бугелги гьеч1елги слогал рат1а рахъизе, рагьарал ва рагьукъал х1арпал ратизе, раг1улъ гьезул къадар ч1езабизе
  
• 
  Раг1ул г1уц1иялъул разбор гьабизе ( кьибил, аслу, ахир, суффикс рат1а рахъизе)
  
• 
  Каламалъул бут1аби ва гьезул грамматикиял г1аламатал рихьизаризе
  
• 
  Предложениялда жаниб суалаздалъун раг1абазда гьоркьоб бухьен ч1езабизе, раг1абазул дандраял ратизе
  
• 
  Предложениязул синтаксияб разбор гьабизе (бат1и-бат1иял тайпабазул предложениял рихьизаризе,бет1ерал гурел членал рат1а рахъизе, суалазул кумекалдалъун гьезда гьоркьоб бухьен ч1езабизе)
  
• 
  Ц1алдохъабаз жидецаго г1уц1араб планалда рекъон, 50-60 раг1удаса данде гьабураб изложение ва сочинение хъвазе.
  

• 
  Дарсие х1ажатал ц1алул ва методикиял т1ахьал: