Ханмягьямадова
Изтегляне 0.59 Mb.
|
- Навигация на страницата:
- X — 1 9 Н у р а р и н к ъ и р . — М а х а ч к а л а : Д а г к н и - гоиздат
- К р у ж е в о лучей . Уьмрикан, дишагьлийин читин кьисматнакан, мю
- © Ханмагомедова 3., 1991 ISBN 5—297—00340—7 ДИШАГЬЛИЙИН КЬ И CM AT НА К А Й
- Амма му китабдин авторин кьисматназ чазтIан хас дару лишнар адар кIурайи гафра дар. Дурар шиърар гъурху гьарсариз чаз ашкар хьиди. Хъа гьар фици-вушра дурарикан бязидар магьа гьамцдарра ву.
- Гьадму саб вахтна 3. Ханмягьмадова табасаран ди шагьлийирикан сарпирди шиърарра дикIуз хъюгъюр ву. Думу, эгер жарадиси кIуруси гъабхьиш, багъри ли-тературайиъ сарпи шаир дишагьлира ву.
- Хъа гьаму «Нурарин къирнакк» Зумруд Ханмягьма-довайин вахт ва кьисмат сатIи духьна. Ва дурари китаб урхрударихьди чпин вахтнакан ва кьисматнакан фикир апIуз гъитрубдиин инанмиш вуза. Ш.
- ШАГЬМАРДАНОВ. КЪИР
- КЮКДИХЪ ХЪАЙИ ГЬАР БАХТАВАР
- ФРОНТДИЗ БАЯР РЯКЪЮЪ TIАЪРАЙИ
- 2 Заказ I6 БАЛИ ДАДАЙИЗ ГЪАПIУ АМАНАТ
- 2* I9 ЖАН ДАДА
- СИЖАРИ ШВУШВАЗ ГЪАПИ ГАФ
З УМРУД ХАНМЯГЬЯМАДОВА 
HУPАPИH КЬИР Дагестанское книжное издательство Махачкала 1991 ББК 84 Таб X—19 Ханмягьмадова Зумруд.
гьюббатдикан бикIура 3.Ханмягьмадовайи чан шиърариъ. Дурариъ гьарган инсанвализ вафалу вуйи марцци дишагьлийин дих ебхьура. ББК 84 Таб.
© Ханмагомедова 3., 1991 ISBN 5—297—00340—7 ДИШАГЬЛИЙИН КЬ И CM AT НА К А Й мяъли
кан вуйи мяълисира ебхьура. Ва думу мяълийиъ дидин авторна аьдати дагълу дншагьли сар-сарихьан жара апIубра гъулай дар, дурарин кьисматариз сабсдар лишнар гизаф хас ву. Амма му китабдин авторин кьисматназ чазтIан хас дару лишнар адар кIурайи гафра дар. Дурар шиърар гъурху гьарсариз чаз ашкар хьиди. Хъа гьар фици-вушра дурарикан бязидар магьа гьамцдарра ву. Зумруд Ханмягьмадова Хив райондин Гъвандккарин гъулаъ бабкан гъахьну. Табасаран дишагьлийирикан сарпирди (гьаму гаф дугъан кьисматназ гизаф хас шула) заан тягьсил гъадабгъну – хьуцIурпи йисари Дагъустандин пединститут ккудубкIу дугъкан ихь халкьдин сарпи мялим дишагьли шулу. Дугъу Хиварин кья-лан мектебдиъ, хъасин къанна хьуд йислан артухъ Дербентдин педучилишейиъ математикайинна физикайин мялимди ляхин гъапIну. Гьадму саб вахтна 3. Ханмягьмадова табасаран ди~ шагьлийирикан сарпирди шиърарра дикIуз хъюгъюр ву. Думу, эгер жарадиси кIуруси гъабхьиш, багъри ли-тературайиъ сарпи шаир дишагьлира ву. Гьамусяаьт Зумруд Ханмягьмадова лайикьлу пенсияйиъ а. Амма дугъу шиърар дикIуб давам anlypa. Гьа-мусдиз дугъан эсерар сабшвнубан гьеле ягъчIвурпи йисарилан альманахариъ, «Табасарандин нурар» ва «Октябрин акв» газетариъ, «Дагъустан дишагьли» журналиъ, «Литературайин Табасаран» альманахдиъ чап дапIна. Хъа дугъан шиърарин варитIан аьхю гъварч I986-пи йисан удубчIвнайи табасаран шаирарин сатIиди вуйи «Бахтлу рякъ» кIуру китабдиъ тувна. Хъа гьаму «Нурарин къирнакк» Зумруд Ханмягьма-довайин вахт ва кьисмат сатIи духьна. Ва дурари китаб урхрударихьди чпин вахтнакан ва кьисматнакан фикир апIуз гъитрубдиин инанмиш вуза. Ш. ШАГЬМАРДАНОВ. КЪИР Нагагь дупну узхьан шуйишки убхуз, Къир убхрийза ригъдин нураркан, Шубарихъ хъа гьадму гъубху къир хъабхьуз, Лап бахтавар ишри дупну дураркан.
Дурарикан къирик кюкйир каърийза. Мурадарихъ гьарсар инсан чан хьуркьну Пуз шуйиш, гьич йигь-йишв дарпи лихрийза. Хъа хядариз завуъ айи пидийза, Зуз гъизилин мурслар хъадаай, кIури. Дураркан шубариз пенжгар урхрийза, КIван мюгьюббат уьбхри дупну дурари. Хъа гьавайиз узу миннат апIрийза, Каъ, кIури, йиз къирик дарман гьар дерднан My къирикан узу ккурттар дирхрийза, Сагъ ишри пну му алабхьу гьар инсан. ХЬАДУКРАН РАНГАР Элвен, укIу, гъатху, уьру ва жангар... Удукьурдар кудухну му яв рангар. Ккирчнайганси чюллерикк аьхю гьалвар, Юкьуб тереф балгурува, хьадукар. Вардин улихь беневша гьюл гьубчIвнийи, Думу рякъюъ вартIан улихь убчIвнийи. КIул за дапIну, хяраз му удубчIвнийи, Чархачиси, гъафну кIурй хьадукар. Эй, хьадукар, вува фасларин аслан, КьятIкьятI дуфна, магьапIан му яв кIваълан. Уьру валжгъин кIару дюгмийир заълан – Яв хунча балгурза кIури, хьадукар. Хъа кьяляхъди имбу рангарра гъафи, Лизи кюкйир укIубдин гъвалахъ гъаши, «Учу чйир вуча, – дурари гъапи, – Безетмиш апIуз дуфнайи хьадукар». Даркъван кюкйири гъатху лакчар хъахьну, Чуру чарар, чюллер вари ккабалгну. Гъатху- чуру чарч чюллери гьатIабццну, Хялижв гъапIну чпин хулаз хьадукар. КЮКДИХЪ ХЪАЙИ ГЬАР БАХТАВАР Вуз дилигну, вуза гьяйран, Шадвал хъапI вуз гъийин йигьан. Мурад бегьем дубхьнайи кIван, Кюкдихъ хъайи гьар бахтавар.
ЦIадал-цIадал чиг дабхънайи Яв кIажар’ин, гьар бахтавар.
КIанакк ккаяв мичIли вуй лат. Зиин али ккжйирйн гъат ЦIаруб вуяв, гьар бахтавар.
Му йигъ гъябкъю касдин бахт ву, Кюкдихъ хъайи гьар бахтавар. МАРХЬ Мархь убгъура, мархь убгъура, бицIидар, Даркъван мархьликк кIулар ккивуз гъачайчва! Шадвалиан ничхрар шадди тIирхура, Дураригь ичв ккуни писинчI абгайчва!
Машар жикIну, дасмал хилиъ айиси. «Мархь! Мархь!» кIури, чиб-чпихъди улхура, Каркар ккивну шид убхъурай балиси.
Гьарсаб тереф айи безетмиш дубхьну, Чюллер айи чуру мяхмар ккипнайси.
Лиг, мяълийихъ чпин фициб гьаваз хъаш! Гъюблан-гъюбаз хъа мархь гужли гьабшибси, КIурмариан штун селлер хъитнийи. к Икрар, кючйир мархьли цIиб вахтналанси Чан штухъди дижикIну марцц гъапIнийи.
Штун сесер илтIикIну хуш мукьмариз, Дагъдин селлер гыолихъна рякъюъ учIву. Хъа алтIабгну, деккучIимир удубчIвну, БицIи баяр- шубар гъаши варн шад. Дидик кайи рангар вари ктикьу, Мициб гюзел вахт хьадукра даршул зат!
Гюлшан багьдиъ яв мукьмар шад, Хьад дуфну а увуз азад. Уву рякъюб ву кIван мурад, Хушгелди вуз, я жан бюлбюл. Улукьна гъи хьадан йигъар, Варидин юкIв али вахтар. Тарна чюнгюр гьайи ашкьвар Вухъди гъюрдар, я жан бюлбюл. Гьарсаб саягъ мяъли апIуз, Вуз ккун гъабшиш, кьувват авуз. Ширин сеснахъ яв хъпехъуз Гъит узухьди, я жан бюлбюл.
Гьаз гъахьундар, хъимдру умуд. Йисар гъушиш хъана швнуд, Увухъ хъуркьдар, я жан бюлбюл. БЕНЕВША Гюзел багъдин ихь вуйва ярашугъ, Pабгру жакьв ув’ин дубхьнайи ашукь, КIуразавуз гьякь, аман, узухъ хъугъ: Гмхьнийза ув’ин гьяйран, Беневша, Йиз айитI ай кIван дарман Беневша. Айиган узуз ихтибарлу яр, Гьич саб вахтнара щулдайи йиз юкIв дар, Вуйнн уву йиз уьмрин хьадукар, Хьадукран сабпи лишан Беневша, Йиз юкIв шад гьапIу гюлшан Беневша. КIул’ин аку ригъ алиган мани, Вари халкьдиз ихь вуйва гирами. Гьюбгъза яв кефи, фагьум дарапIди Гъашиза увхьан вархи, Беневша, Дердлу йигъар йиз ярхи, Беневша. Хъютарна чIагъар илтIишу уз’ин, Уч духьну вари бахтавар хул’ин. Мисибат гъабхи дурари ухь’ин: Гъахьизу аьхир хулхьан, Беневша, Гьадахъзу гьамци увхьан, Беневша. Вуйва шубарин арайиъ султан, Хьадукарна хьад вуй ув’ин гьяйран. Дарши хил бисрур яв читин йигъан, Гъашияв рангар гъайран, Беневша, Дерднаъ итдазу, жейран Беневша.
Вахтну гъарагъу мурадар йиз кIван, КадабтIну умуд гюзел ярикан, Гъабхиза уз’ина нянат, Беневша, Гъапиза узуз намерд, Беневша.
Жиликк ккайи укIарин ччиварира, Чпи-чпихъди чпин дерди гьял апIуйи. Дих апIури, сар -сарихьан гьерхуйи: Хъубкьнадарин, кIури, девран хьадукар. Гафар-чIалар мяълийиинди кIури, Жиликк ккайи булагъдин шид ухури. Бабан хабахъ хъайи байси улхури, КIури айи варди саб гаф – хьадукар. My гаф кубкIу вари ччивар дири шул, НивкIан хъергну, за апIури дири кIул. Акв! Акв! кIури тIау вари укIари ул, КкудучIвуру жилккан, кIури, хьадукар! БицIи Зумрудра дюн’яйиз гъафнийи, Мартдин къанна кьюбдйъ бабкан гъахьнийи. Улар тIаъну, увуз салам гъапнийи, Жан вари дюн’я шад гъапIу, хьадукар! ГЮЗЕЛ ДЮН’Я Гьарган ич кIваз кюмек вува, Мегьебган, гьаз гьялак вува? Ич уларин нур-акв вува ЙикIайрзкьан, гюзел дюн’я. Яв гюзел, ачухъ табиаьт Балгур, алди чуру палат. Учу кьаназ уьрх аманат, Шадди ув’ин гюзел дюн’я. Мукьан туври учуз шадлугъ, Шулдар увкан инсан гьич тухъ, Ккунш варж йис гьаширихъди улх, Дипуз ккундуш, гюзел дюн’я. Ихь совет бахтлу халкьариз, ЮкIв шад вуйи инсанариз Вува аба-бабтIан аьзиз, Уьбх яв бегьер, гюзел дюн’я. ГЪВАНДККАРИН ГЪУЛ ГьачIабккнаву сивун машнак, ГьудубчIву ригъди туври акв. Гъафи касдиз абццнайи ракк Вудава, йиз Гъвандккарин гъул. Адлу вуяв уста хупар, Гьалвар урхру дирбаш шубар, Гизаф успагьи жигьилар Айиб ву ич Гъвандккарин гъул. Ляхниъ мукьуф, чибра устад, ЮкIвар ачухъ, гьарган вуй шад, Халачйирин дюн’яйиъ ад Абхъна гъи яв, Гъвандккарин гъул.
Имдар дарвал, вари ву тухъ. Фукьан гюрчег гьяйбат хъавухъ, Хъана за йибхь, Гъвандккарин гъул. ФРОНТДИЗ БАЯР РЯКЪЮЪ TIАЪРАЙИ Гюзел дагълар яв кьяляхъди лигура, Ватандихъ жан тувруш кIури, чан бали. Дагьларира ухьуси дерд зигура, Нирар нивгъар духьна, учвухъ ишури. Азад дагълар хьад хъубкьбиин вуйи шад, Жигьил, живан баяриин бабарси. АпIинайчва дада Ватан ихь азад, ТIирхай завуъ хлинццар хьайи люкьярси! т Аьзиз чйир, баяр дявдиз гьаърайи, Дишну, дурарин юкIвар дар мапIанай. Душмнар дуркну, саламатди чиб гъюри, Йиз кьюр гъушну, гъуншдин cap ву, макIанай! Жан дадайин, дадиз айи cap масан! Вуз ккунири уву ули уьрхиди. Читин вахтна яв яр кIваълан магьаан, Вук юкIв кубчIвиш, душмнар гизаф йихиди. Баяр рякъюъ тIаъну, бабар духьнай гъах, Кум алдарди дургну айи рачнарси. Гъадагьну чпин имбу бицIидар хабахь, Дюн’я мучIу гьабхьизуз ригъ алабхъси. Баяр гъушу, сагъул дупну халкьариз, Хабахъ хъаъну ишурайи бабариз. КIул дутIубччвну чпин ккуни шубариз, Ватан уьбхюз баяр рякъюъ учIвнийи. Чйир, чвйир, бицIи баярна шубар Дурарихъди хайлин рякъюз гъушнийи. Аьгъдрудари чиплан хабар алдагъган, Фила гъюрчва учву, кIури гъушнийи. Хизандихьан эскрар жара шлуган, Марччар, ччилар гъидикьнайси рябкъюйи. БицIир, аьхюр, майлин канчIхъан хъичIихган, Дявдиз гъягьру кьягьяларра ишуйи. 2 Заказ I6 БАЛИ ДАДАЙИЗ ГЪАПIУ АМАНАТ Аьхю гъаши аз ад гюзел дагьлариъ, Колхозникдин бай гъягъюрайи дявдиз. Душмандихьан Ватан уьбхюз кьаст ади, Чаз ккуни риш аманат гъапIу дадиз.
Узу гъягъру рякъ чIуруб ву, жан дада. Аьйиб мапIан гъапну кIури зу увуз, Аьшкьнан дерди аьхюб вуда, жан дада. Узу ул вуш, яр вуйиз улин нини, Йиз улин нини ибта кIваъ, жан дада. My дюн’яйиъ варитIан зуз гирами,
Арчул тереф йиз жандин узухь гъибтну, ЮкIв айи пай гъибтну, жан дада. Уву дердер, хажалатар цIиб апIин, Йиз яр пашман шуз мигъитан, жан дада. Зегьмет зигну, учвуз саб кьацI уьл ипIин, Гюзет дапIну дустна дуйшман, жан дада. Уву шиклиз, чIивиризси лигури, Гаргар- гаргар уллан нивгьар гъушда яв. Дявдиъ гъайIи ярин дерди зигури, Жигьил уьмур бедгьавайи гьапIда яв. Йирси зийнар цIийи апIуз хъюгъиган, ЦIийи зийниъ кьил алабхьган ургуру. Жигьил уьмур бахтсуз вуди гъубшиган, КIуруб-даркIруб инсандинна дубгуру. Хьадукар, чвул улдучIвну, кьюрдуъ учIвну, Кьюрдну багъдиз, кюкю адабшв, макIана. Ярхи уьмур гьич даршиси улдубчIвну, Гъушу дердер гьамус кIваин мапIана.
Уж’вал гъапIур, кIваълан гъушдиз, Му дюз вуйин, я жан дада.
Лап кьягьялси жигьил вахтна дилихну, Жвуван ляхниъ баркаллагьар гъадагъну, Пягьливанси гьунар кади дилицну, Гьамус эргвал алдапIри кьабидари.
Кьимат ади ишлетмиш гъапIну чан гаф, Юкьна ликар кьабижвуван вуйиш саф, Аьхир уьмур девран вуйи кьабирин. Юкьуб жвуран кюкйирихьди кабалгну, Баяр, швушвар, шубар, язнйир албагну, Сариз-сариз хайир-уж’вал ккун дапIну, Мициб хизан хьуб бахт дарин кьабирин. Кьабивализ гьюрмат, гьязат айиб ву. Чаз гъазанмиш чав гъапIиш, эгер думу. Гьарсаб багъдиъ ужуб бегьер шлуб ву, Вахтниинди гъуллугъ гъапIиш кьабириз. Хьадукра тум убзру вахтра аьгъюди, Гъуллугъ дапIну, гъубзур арайиз гъиди. Киву гъелемдиз вахтниинди дилигну, My бегьернан эйсйир вуда кьабидар. Зегьмет дарди, фукIа дяргъюр арайиз, Аьгъю ибшри гьарсар бабна абайиз. Мукъун гьар’ин мяхъюн цирклар агайиз Мяхъвра мухъхьан жара апIри кьабир Юкьуб тереф кюкйир айи багъ вуйси, Жан йиз аба, жан баб кIури хутлари. Варидари гьюрмат, гьязат апIури, Чвну бегьер уч апIурчва, кьабидар. Инсандин нефс аьхюб шулу, аьгъязуз, Йихьай чешне ляхниинди халкьариз. Машгьур духьну ичв зегьметар эллериз Ччвур гъазанмиш апIинайчва, кьабидар. СИЖАРИ ШВУШВАЗ ГЪАПИ ГАФ Яв лик балгри, аьзиз балам, йиз хулаз. Жан кIван мурад, йиз хулан лампайин акв! Ширин ишри гъуни-гъуншдиз ва хулаз, Йиз ккуни швушв апIарзаяв унтIаз мак. Му дюн’яйиъ узуз айи cap велед АпIураза, швушв, ув’ина аманат. Ушвниъра яв гьарган ибшри анжагь мед, Уьмур бахтлу хьидияв, гьам саламасг.
Яв циркларра гужли ишри, швушв бабан. Дурар гужли хьуб гьаринра кьувват ву, Думу гЬариз гъуллугъ апIин, швушв бабан Лихру каедин жан шулу сагъ, фунра тухъ, Намус кIваълан магьапIан гьич, щвушв бабан. Яв зегьметтIан жараб ккун мапIан артухъ, Яв зибдиккра берекет шул, швушв бабан. Нефе аьхю дапIну, усал ляхин дарапIди, Кьягьялиси уьл ипIина, швушв бабан. Зегьмет дарди гъибихъу уьл дирипIри, Яв веледар вердиш апIин, швушв бабан.
Аьзиз балам, увхьан жара шулаза, Уву бахтлу хьупак мижра кивраза. Хъебехъ узухъ, жан риш, увуз кIураза: Гъушу хулаъ гъадабгъ баркаллагь, дадин, Ву бахтавар духьну ккундуш, жан дадин. Жилир ккундуш, хизанра яв ккун апIин, Зегьмет зигну, увуз саб кьацI уьл ипIин. Кьягьялиси эдрегри ля хин апIин, Хизанариз уву ккун шул, риш дадин, Латаркккра яв гаф даршул, жан дадин. Хулан аьхюр гьамус сижар яв шияди, Дугъу увуз бирмиш, буйругь апIиди. Дици мапIан, гьамди апIин, швушв, пиди, Сижарин гаф, увуз гъаля, бис, дадин, Дугъазра ву дада йипа, жан дадин. Жарадариз хулаъ гьабши гаф макIан, Увуз гафра гъюру ляхин гьич мапIан. Ужуб ккебкну, чIуруб арайиз мабхан, Увуз гъ апи сир яв кIваъ уьбх, жан дадин, Дидира уву уьрхиди, риш дадин. Уву гъягъру хал ибшри чав бахтавар, Ибшри яв юкIвра шад, дарибшри гьич дар. Ургур балихъ ишри увуз ришра cap, Узура шад шлуси ув’ин, риш дадин, Яв ккабалгу бахтлу хул’ин, жан дадин. Гафар апIин цIиб, метлеб аьхюб кади, Аьхюр, бицIир – вари хизанар ккунди. Эргундаза, аман, дада, зуз дарпи, КIубанди лих гьарган арфси, жан дадин, КIул зади лиц намус кади, жан дадин. ДАДАЙИН НАСИГЬЯТ My дюн’яйиз уву дуфну гъягъяйиз, Гьякьна нягьякь жара апIин аьхириз, Саб гаф кIайиз, фициб вушра, жарариз, Вук кубкIиш лиг фици шулуш, дадайин.
Гафнан зиян сагъ хьибдар – гъибт кIваинди ЧIуруб мапIан, ужуб гаф пуз ккимиди, Увуз чIуруб дубхьну ккундарш, дадайин.
Намус аьхю девлет вуда, дадайин. Тямягь дапIну, яв инсанвал мудубган, Увуз тувдарш, жараринуб ккун мапIан, ГъапIу уж’вал дупну, мубган маш дугъан, Гъибт яв кIваъ уьбх – юкIв аьхюб ву, дадайин.
ЧIуру фикир кIваз гъафибси гатIабхь, дип, Яв юкIв гьарган шад шлуси, дадайин. Учв гъачIишра, ччвур дудрубгдар а гизаф, Ччвур дарчIириз бахтавар пуз шулу сарф, Гьарган гъубзру халкьдин ушвниъ дугьан гаф, Дицир велед хьуб саб бахт ву, дадайин. Ватан, дада, уьл саб гаф ву аьгьюриз, My шубуб гаф кIваинди гъйт йикIайиз, Гыормат апIин майил-мадат, аьхюриз, Ккун шлуси уву дурариз, дадайин.
Аьжуз касдиз кюмек апIин, тув сабур, Бахтсуз духь ну гъяркъиш, рякълан улдугур. Хил дибисну, дюз рякъюъ тIаъ, дадайин. Увуз девлет ва аьхю гъуллугъ гъашиш, Фурсна дамагъ мапIан, духьну ягъалмиш. Салам тувну, яв багахьна cap гъафиш, Тамам апIин чан кIван мурад, дадайин. Жанра гьяйиф мапIан Ватан бадали, Дици апIуз буржлу ву гьар агьали. Багъри дада шад anlyp кьягьял бали Гьацир бализ гъурбан ишри, дадайин. ЮкIв улубкьну, уву cap яр ктагъиш, Думу кIваъ ит, вара мапIан яр дигиш, Эгер учвкан cap имиди, cap гъачIиш, Гьадгъван рякъюъ яв уьмур тув, дадайин. Дуст гъидисиш, думу чвеси ккун апIин, Увуз кIваан яв дуст лайикь вуш якьин, Зегьмет зигну, увуз саб кьацI уьл ипIин, Намус кIваълан гьадрапIди яв, дадайин. ДАДАЙИЗ ЙИП Йиз гьялнакан увхьан дадайи гьерхиш, Увуз узу рякъбакан суракь гъапIиш, Фици вуйи йиз шуран гьялар, гъапиш, Ужу ву йип, шад хабар тув дадайиз! Яв риш илим тувру багъдиъ деъна, йип, Гюллер чахьан ярхла дар, багахь гьа, йип, Ккададаъри дарсар ахьа хъивну иб Дерин илмар дургъура, йип, дадайиз! Гьич риш гъахи дада пашман даришри, Дишагьлийиз урхуб гьаз ву, дарипри, Дерд кIваъ ади, пашман вуди дилицри, Аьхир уз’ин шад шул учв, йип дадайиз. Дирбаш велед хьуб мумкин дар, йип, усал, Рякъюрдар дугъаз дюн’яйин девлет, мал, Ширин дада деънайи жвув гъахи хал Дипну урхуз гъушйган, йип дадайиз. Дадайиз йип: шуру дердер апIидар, Лазим гъабшиш, дугъу уьлра ипIидар. Улар арццну, чIуру рякъюз лигидар, Намус кIури лициди, йип дадайиз! ККУНИВАЛ Мюгьюббатнан дердер, гъамар айиган, АйитI ай юкIв цIа кабхънайси убгуру. ЦIин зегьметра хъана гъати гъабшиган, Аман дада, кIури инсан ишуру.
ЕкIв гьадабгъну, багьбанчи гьар алдабтIу. ЦIадал-цIадал нивгь гъябгъруси ишруган, КIул за дапIну гъудужвуз чаз ккун гъабхьну. Дурхни гьарин цирклар, кюлер кадатIну, Сарун дидик гъудужвру миж камдайи. Пичраъ дурар кум алдарди ургруган, Суза хъади гьарра ибшуз хъюбгънийи. Я багъбанчи, гьаз ийсафсуз гьашада? Думу багъдин вуйида яв ярашугъ. Фици думу, бейнава гьар, алдабтIва? Думу вуйи яв уьмрин батIь, узухъ хъугъ. ДЮН’Я Дишагьлийин ву кIван мурад Велед бахтлу духьну, хьуб ад. Багъдин бегьер гъябкъган, шул шад, АпIина бул бегьер, дюн’я. Гъяркъну фицдар кьягьялар вуз, Лайикь вуйи асланар кIуз. Гьяйиф дарнуз дурар йихуз Я жан инсаф адру, дюн’я.
Жан ич карван сарай, дюн’я. Дяви кIуру ичв аьламат Аьгъю гъапIу касдиз нянат. Иблисдик пис шул гьяракат Пуч aпlyз яв бегьер, дюн’я. КЬАН ГЪАБХЬНУ Хьадукра ву тум алабхьуз хъуркьундарш, Кьюрдну хутIлиз тум хьади уву мягьян. Жигьил вахтна увуз яв пай ккубкьундаш, Кьялхъян душну, хъа наши йиз пай, макIан.
Гьарсар каедин чан бахтнакк ул ккайиб ву, Хъанара шул, дупну, кьяляхъ ву махьан. Фагьум дапIну, алдабгъ уву гьарсаб лик, Ва намус уьбх, яв машназ нач даршлуси. Марцциб ибшри бабу бализ туву никк, Гьярам кабхъну, гьялал имдар, даркIруси.
Каталог: tabas poeti Изтегляне 0.59 Mb. Сподели с приятели:
| ||||||||||||||||